Барилгын зөвлөгөө мэдээллийн төвөөс барилгын салбарт үйл ажиллагаа явуулдаг аж ахуйн нэгж, компаниудын дунд жил бүр уламжлал болгон зохион байгуулдаг “BARILGA BASKETBALL-2015” энэ сарын 28-29-ны өдөр болно. Энэ удаагийн манай тэмцээнийг "И Си Си" ХХК ивээн тэтгэж оролцож байгаа бөгөөд та бүхнийг салбарыг хамарсан спортын нэр хүндтэй энэхүү арга хэмжээнд идэвхтэй оролцохыг уриалж байна. Тэмцээний удирдамжийг бүрэн эхээр нь хүргэе.

 

 
Тэмцээний удирдамж

Нэг. Тэмцээний зорилго
Барилгын салбарын төрийн болон төрийн бус байгууллага, аж ахуй нэгжүүдийн хамтын ажиллагааг өргөжүүлэх, чөлөөт цагаа зөв боловсон өнгөрөөх боломжийг бүрдүүлж, хамтдаа нэг өдрийг спортоор амьсгалж өнгөрүүлэх юм.
Ерөнхий зохион байгуулагч: “Барилга.МН”, БЗМТөв,
Хамтран зохион байгуулагчид: БХБЯам, БХҮНТөв, МБМҮХолбоо
Хоёр. Тэмцээний хугацаа
2015 оны 3-р сарын 28-29-ны 09:00 цагт “Тэмүүжин” спорт зааланд
Гурав. Онцлог, Хамрах хүрээ
БЗМТөвийн гишүүн байгууллагууд, салбарын бусад ААН байгууллагууд хамт олноороо баг бүрдүүлж оролцоно. /багт зөвхөн нэг л байгууллагын хамт олон байх/
Барилгын салбарт ажилладаг төдийгүй тухайн байгууллагад нийгмийн даатгал төлдөг байх шаардлагатай. /Дээд лигт тоглодог  тоглогчийг огт оруулахгүй/
Дөрөв: Тэмцээн зохион байгуулах журам:
 
1.         Баг, тамирчид тэмцээний нээлтийн ажиллагаа эхлэхээс 30 минутын өмнө өөрийн багийн туг, далбааг авч ирсэн байх
2.         Спортын наадамд оролцох баг тамирчид өөрийн байгууллагын нэрийг тодорхой бичсэн, спортын нэгдсэн хувцас, эмблем, туг, хувийн дугаартай байна.
3.         Нэг баг 8 тоглогчтой байх бөгөөд албан байгууллага дангаараа багаа бүрдүүлж оролцох
4.         Тэмцээний удирдамж болон тухайн үед зохион байгуулагчдын зүгээс тавьсан
шаардлагыг биелүүлэж, ёс зүйтэй байх
5.    Тэмцээний явцад тэмцээний талаар болон өөр бусад асуудлаар маргаан гаргахгүй байх, шүүгчтэй маргалдахгүй байх /Шүүгчийн гаргасан шийдвэр эцсийнх байна./
6.         Баг, тамирчид өөрийн багийг дэмжихээр хүрэлцэн ирсэн хөгжөөн дэмжигчдийн
зохион байгуулалтыг хариуцан аливаа зүй бус үйлдэл гаргуулахгүй байх
7.         Баг, тамирчид болон хөгжөөн дэмжигчид бусдын нэр төр, алдар хүндийг гутаан
доромжлох, тоглолтын үед хараал хэлэхийг хатуу хориглоно.
8.         Тэмцээний үед удирдамжид заасан дэг журам болон тухайн үед зохион
байгуулагчдын зүгээс тавьсан шаардлагыг биелүүлээгүй баг, тамирчдад
нэг удаа сануулах арга хэмжээ авах бөгөөд дахин зөрчил гаргавал тухайн багийг
тэмцээнээс хасах хүртэл арга хэмжээ авна.
9.         Баг, тамирчид хуваарьт тоглолт болох цагтаа ирээгүй бол 5 минут хүлээх бөгөөд дээрх хугацаанд амжиж ирээгүй тохиолдолд тухайн тоглолтод хожигдсоноор тооцно.
10.  Баг тамирчдын бүрдүүлэх бичиг баримтыг хуурамчаар үйлдсэн тохиолдолд тэмцээнээс шууд хасна.
11.  Багт спрайт лигт тоглодог 1 тамирчин орох ба 2 болон түүнээс дээш тамирчин тоглуулахыг оролдсон багийг  тэмцээнээс шууд хасах арга хэмжээ авна.
12.  Багт дээд лигт тоглодог болон тоглож байсан тамирчинг огт оруулахгүй.
13.   Тухайн тамирчин уг байгууллагад 3 сараас дээш ажилласан байна.                   
/Нийгмийн даатгал төлсөн эсэхээр баталгаажуулна\
14. Тухайн компани нь охин компанитай бол нэгдэж  баг бүрдүүлж оролцож болно.
Тав: Мэдүүлэг хүлээн авах:
info@barilga.mn хаягаар болон БЗМТөвийн байранд 2015.03.25-ний 18:00 цаг
хүртэл хүлээн авна.
Жич: Хугацаа хэтэрч мэдүүлэг өгсөн тохиолдолд хүчингүйд тооцно.
Мэдүүлэг ирүүлэхдээ анхаарах зүйлс:
- Багийн мэдүүлгийг хавсралт 1-ийн дагуу бүрдүүлэх /Хүснэгтээр гаргасан мэдүүлгийг зураггүй бол хүлээн авахгүй/
- Иргэний үнэмлэхийн  эх хувь, хуулбарын хамт /заавал канондаж авчрах/
- Нийгмийн даатгалын дэвтрийн эх хувь, хуулбарын хамт /заавал канондаж авчрах/
- Баг, тамирчдын тэмцээнд оролцох хураамж
Зургаа: Бүртгэлийн хураамж:
• Баг тус бүр хураамж 450,000 төгрөг .
/Хураамжийг бэлнээр болон дансаар тушааж болно. Данс: Хаан банк 5020749663 тоот данс/
Долоо: Шагнал:
• Эхний гурван байр
ЦОМ, МЕДАЛЬ, ӨРГӨМЖЛӨЛ, МӨНГӨН ШАГНАЛ (алт, мөнгө, хүрэл)
• Эрэгтэй, эмэгтэй шилдэг тоглогч
ӨРГӨМЖЛӨЛ, МӨНГӨН ШАГНАЛ
• Шилдэг хөгжөөн дэмжигч
ГАРЫН БЭЛЭГ, МӨНГӨН ШАГНАЛ
Найм. Анхааруулах зүйлс:
• Хоол, ус, ундааны хаягдлыг зориулалтын хогийн саванд хаях
• Тамхийг зөвшөөрөгдсөн газарт татах
• Архи согтууруулах ундааны зүйл хэрэглэн ирэх, талбайд гарахыг хориглоно.
• Нийт тамирчид өөрийн солих хувцас, эд зүйлээ өөрөө хариуцна. Гээсэн, алдагдсан эд зүйлийг зохион байгуулах комисс хариуцахгүй болно.
Ес.Техникийн зөвлөгөөн:
• 2015 оны 3-р сарын 27-ны өдөр 15.00 цагт болно.
Хаяг: Баянгол дүүрэг, I-р хороо, 2-р хороолол, “РОКМОН БЬЮЛДИНГ”,
• Техникийн зөвлөлийн хуралдаан дээр тэмцээний нарийвчилсан дүрмийг танилцуулж тэмцээний тоглолтын хуваарийг сугалаа сугалуулж шийднэ.

ЗОХИОН БАЙГУУЛАХ КОМИСС
Дэлгэрэнгүй мэдээллийг  99907815 утсаар лавлана уу

ЭРҮҮЛ БИЕД САРУУЛ УХААН ОРШИНО

Мэдүүлэх хуудсыг энд дарж татаж авна уу