Барилгын салбарын тэргүүлэгч мэдээллийн хэрэгсэл ”Барилга.МН” сэтгүүл нь байгуулагдсан цагаас уншигч, харилцагчдынхаа өмнө нээлттэй байж, салбартай холбогдсон бүхий л мэдээллийг шуурхай хүргэсээр ирсэн. Олон улсын барилгын салбарын хөгжил дэвшлийг эх орны бүтээн байгуулалтын салбартай холбох гүүр болж шинэ техник , технологийг Монголдоо нэвтрүүлэх, нутагшуулахүндэснийхээ үйлдвэрлэл эрхлэгчид, бүтээн байгуулагчид бизнесийнхээ ололтыг харилцан таниулах, дэмжих боломжийг олгож урагш тэмүүлэн алхах Монгол хүн бүрийн оюуны талбар байх зорилгоо хэзээд гээгээгүй бөгөөд иймээс барилгын салбарын эрдэмтэн доктор, инженерүүд, архитектор дизайнерууд, эдийн засагчид, сонирхогч хэн бүхэнд урилга хүргүүлж байна.
       Та бүхэн салбарынхаа тулгамдсан асуудал, шийдвэл зохих асуудлын гарц, салбарт нэвтэрч буй шинэ дэвшилтэт техник, технологи, дэлхийн улс орны барилгын хөгжилийн түүх, сонин содон зүйлсийн талаар мэдээ, нийтлэл бичиж ирүүлвэл бид дуртайяа хүлээн авч, харилцан санал солилцон нийтлэх юм.
“Барилга.МН” сэтгүүл нь салбартаа хүлээн зөвшөөрөгдсөн тогтмол хэвлэлийн хувьд мэдээ, нийтлэлд тодорхой шалгуурыг тавих ч барилгын салбарын ирээдүйн хөгжил дэвшилд санаа тавьдаг хүн бүрийн өмнө нээлттэй байж, эрхэм та бүгдийг мэргэжлийн хүний хувьд санал бодлоо  олон нийтэд түгээн хүргэх боломжийг олгож байна. Түүнчлэн тогтмол мэдээ, нийтлэлээ ирүүлсэн идэвхтэн бичигчийг шагнаж урамшуулна.
Иймд та бүхэн ulziinyam@barilga.mn хаягаар мэдээллээ ирүүлэхээс гадна 91000222, 99819578 дугаарын утсанд хандана уу?