Улс орны эдийн засаг хямралтай байгаа энэ үед бизнесийн байгууллагуудад туслах зорилго бүхий нэгэн сургалтыг зохион байгуулж байна.
Монголын хүний нөөцийн мэргэшсэн менежерүүдийн холбоо, “Хөгжил дэвшлийн хөтөч” сургалтын төв, “Глобал стратеги удирдлагын институт” хамтран 2015 оны 02-р сарын 5-7-ны өдрүүдэд “Хямралын үеийн байгууллагын болон хүний нөөцийн удирдлага” сэдэвт мэргэшүүлэх сургалтыг зохион байгуулж байгаа юм.
 Сургалтыг байгууллагын менежмент мэргэшсэн компанийн засаглал, стратегийн удирдлагын чиглэлээр олон улсад бэлтгэгдсэн, дадлага туршлагатай мэргэшсэн зөвлөх, сургагч багш нар удирдан явуулж байгаа бөгөөд суралцагчдыг материал гарын авлагаар хангана. Энэ сургалтад байгууллагын бүх түвшний удирдлагууд, хүний нөөцийн менежерүүд хамрагдах боломжтой бөгөөд хямралын үед ХНМ-ийн гүйцэтгэх үүрэг роль, хямралын үеийн стратегиуд, хөдөлмөрийн харилцааны онцлог, хямралын үед амьд үлдэх стратегийн шийдлүүд зэрэг мэдлэгийг олж авч хямралын үед бүтээмжийг бууруулалгүй, хямралыг хохирол багатайгаар даван туулах арга, хувилбар, шинэ санааг олно гэдэгт итгэлтэй байна.