Өнгөрсөн Бямба гарагт буюу энэ сарын 25-нд Лас Вегас дахь Cosmopolitan зочид буудал, казиногийн дээвэр дээрх бассейны ойролцоох хэсэг газарт гал гарсан хэмээн галын албаныхан Даваа гарагт мэдэгджээ. Анх галын дөл ажиглагдсан тухай тус зочид буудлын үйлчлүүлэгч мэдэгдсэн байна. Одоогоор хоёр хүний биеийн байдал муу байгаа ба эмнэлэгт хүргэгдэн эмчлүүлж байгаа аж.
Тойргын дивизын дарга Кларк Лев Дөркин хэлэхдээ, “Барилгын фасад болон чимэглэл нь түгээмэл ашиглагддаг хөөсөөр хийгдсэн байсан. Тиймээс хоромхон хугацаанд гал дүрэлзсэн. Эдгээр материалыг шатаж байгааг хараад нэг их гайхаагүй" хэмээжээ.
         Албаны хүмүүс 14-р давхрын дээвэр дээр гал гарсан шалтгааныг судалж байна. Гал өлгөөстэй байсан дал модны гэрлийн утаснаас болсон гэх боловч Дөркин үүнийг цахилгааны гэмтэл байх учиргүй хэмээн үзэж байгаа юм.
Азаар гал унтраах анги ойрхон байсан учраас хохирол бага учиржээ. Гал түймэртэй тэмцэх байгууллага 30 орчим минутанд галыг унтрааж чадсан бөгөөд  хэд хэдэн ахлагч, дөрвөн ачааны машин болон бусад тээврийн хэрэгсэл, 100 орчим гал сөнөөгчид ажилласан байна.
        Анх Лас-Вегаст 1980 онд MGM Grand зочид буудалд гал гарсны улмаас 87 хүн амь насаа алдаж байсан. Үүнээс хойш галыг шуурхай унтраах хатуу дүрэмтэй болсон аж.
Cosmopolitan зочид буудлаас мэдээлэхдээ, Ням гарагт гал гарсан талбайг сэргээн засварласан гэжээ. Сэтгүүлчдийн дал модны тухай асуултанд одоогоор Зочид буудлаас ямар нэгэн тайлбар өгөөгүй байна.