Нийслэл хотын хэмжээнд нийт 65 усан оргилуур байдаг. Тэдгээрийн нэгийг нь засаж, гудамж талбайд өнгө нэмсэн үйл явдал боллоо. Өнгөрсөн сард Улаанбаатар хотод хэрэгжүүлэх төслийн санхүүжилт олох зорилгоор “Улаанбаатар шөл” арга хэмжээг зохион байгуулсан.  Энэ нь 10,000₮ төлөөд шөл ууж, санаагаа ирүүлсэн 3 багын аль нэг төсөлд саналаа өгөх байсан юм. Үүний хүрээнд “Мону Монументаль” урлагийн нэгдлийн “Усан оргилуур ба дусал” төсөл шалгарсан билээ. Ингээд 19 хоногийн дотор Ард кино театрын урд байрлах усан оргилуурыг засаж, хүрээн дээр чулуун шигтгэмэлээр усыг хайрлах, зүй зохистой хэрэглэх тухай бичсэн байна. Тус усан оргилуур нь олон жилийн турш засвар хийгдээгүй, мартагдаад байсан билээ. Энэхүү төслийг санаачилсан “Мону Монументаль” урлагийн нэгдлийн залууст талархал илэрхийлье.