Ипотекийн зээл гарсантай холбогдуулан орон сууцанд амьдрах иргэд олширч байгаа ч мөнгөний бололцооноос шалтгаалан төдийлөн зай талбай ихтэй байр сонгож чадахгүй байх нь элбэг. Энэ тохиолдолд гэрээ уужим саруул, зай талбай ихтэй болгож харагдуулах аргуудыг сонгох нь зүйтэй. Үүнд тус болох үүднээс доорх хэдэн аргыг танилцуулахаар бэлдлээ.

1. Буйдангийнхаа ард босоо зураг өлгөх

Гэрийн аль нэг хэсэгт буйдан байрлуулах нь лавтай. Энэ орон зай жижиг талбайтай гэрийн ихэнх хэсгийг эзлэсэн мэт сэтгэгдэл төрүүлдэг тул арын хананд нь зураг эсвэл цаг өлгөх нь цулгуй талбай нь өргөн харагдахаас авардаг байна. Гэхдээ бага зай талбайтай гэрт өргөн бус босоо нарийвтар хэлбэрийн жаазтай зураг илүү зохицдог гэнэ. Хэмжээг зөв баримтлахгүй бол хэт нарийхан зураг эсрэгээрээ утгагүй харагдах нь бий.

2. Хамтад нь шийдэх

Гэр ерөнхийдөө зай талбай багатай тул хамтад нь шийдэх арга илүү ашигтай байдаг гэнэ. Буйдангаа ширээтэй нь,  хувцасны шүүгээг номын сантай гэх мэтээр хослуулан ашиглаж болохоор тавилга сонгоорой.
3.Босоо нарийн гэрэл

Гэрлийн бүрхүүлийг ч гэсэн сонгохдоо болгоомжтой хандаж аль болох унждаг урт гэрэл сонгох нь зүйтэй ажээ. Ингэхдээ уг гэрэл ганц байх нь загвар дизайны талаас зохимжгүй тул олон гэхдээ нүсэр бус байвал илүү гоёмсог харагдана.