Өмнөд Солонгосын Үндэсний Экологийн хүрээлэнгээс маш том хэмжээний байгалийн дархан цаазат газарт зориулан өвөрмөц төлөвлөлт гаргасан байна. “SAMOO” архитектурын компанийн зохион бүтээсэн энэхүү “Экориум Төсөл” нь байгалийн 33,000 ам метр талбай бүхий газрыг эзэлсэн асар том бүтээн байгуулалтын ажил юм.

     Эко байшин, ногоон барилга, усны нөөц болон боловсролын төв зэрэг байгууламжуудыг багтаасан уг “Экориум Төсөл”-ийг байгаль дэлхийн эко систем болон тэдгээрийг хэрхэн хамгаалж болох талаар боловсрол олгох, хүрээлэн буй орчноо хайрлах сэтгэлтэй болгохын тулд бүтээн байгуулахаар болжээ.

     “Өмнөд Солонгос улсын Үндэсний Экологийн Хүрээлэн нь байгалийн эк-систем, хүн, цаг уур, тэнцвэрт байдлыг судалж,  тулгамдсан асуудлуудтай тэмцэх зэргээр олон талын судалгаа хийхийг зорьсон. Манай байгууллага цаашид энэ чиглэлээр судалгаа хийх, бодлого боловсруулахад голлох үүргийг гүйцэтгэж ажиллана” хэмээн төслийг хэрэгжүүлэгч “Samoo” компанийн төлөөлөгч мэдэгдсэн юм.