Франкфуртэд хотын төв хэсэгт орчин үеийн өндөр барилгаар хүрээлэгдсэн Eschenheimer Turm хэмээх дундад зуунаас үлдсэн 15-р зууны үеийн гайхалтай цамхаг сүндэрлэн байдаг. Цамхаг ойролцоогоор жаран давхартай, асар том бүтээн байгуулалт юм. Хуучин хотын балгас болон ханыг 1806-1812 оны хооронд нураасан байна. Харин Eschenheimer Turm цамхгийг Францын элчин сайд Count d'Hйdouville-ийн хүсэлтээр нураахаас аварсан байна. Өнөөдөр тус цамхаг нь Франкфуртийн хамгийн алдартай дурсгалт газруудын нэг юм.
Ромын IV дүгээр эзэн хаан Луис "шинэ хот" Франкфуртер Нестадтийг тухайн үед элдэв гадны халдлагаас хамгаалах зорилгоор хана хэрэм барьж эхэлсэн аж. Нестадтийг барих ажил 14-р зууны дунд үеэс эхэлсэн бөгөөд зуу гаруй жилийн хугацааг зарцуулжээ. Анхны тулгын чулуу буюу хаалга цамхгийг 1349 оны 11 сард босгосон байдаг. Eschenheimer Turm цамхагт  1426, 1428 онуудад дахин засвар хийгдсэн аж.
Eschenheimer Turm нь 47 метр өндөр, хоёр дээвэртэй, дөрвөлжин суурьтай, дугуй цамхаг юм. Дээд хэсэгт байрлах жижиг, тэгш нүхнүүд нь их буу байрлуулахад зориулагдсан байна. Өнөөдөр цамхагт “Франкфуртын ахан дүүсийн хобоо” улирал тутамд уулзалтаа зохион байгуулж байна.