Брюссель хотноо Лэкен болон Аудергем хороололд алдартай хэд хэдэн хана, барилгыг дамжуулан будсан Комик зам байдаг. 1991 онд орон нутгийн засаг захиргаа “Бельгийн комик номын төв”-тэй хамтран энэхүү төслийг санаачлан бүтээжээ. Одоогоор комик номон замд 50 гаруй ханын зураг, тэмдэгтүүд байдаг аж. Комик өгүүллэг бол Бельгийн бахархал юм. Энэ улсад комик өгүүллэгийн 700 гаруй зохиогч, хошин зургийн уран бүтээлчид байдаг. Бельгийн нийслэлээс та урлагийн төрөлжсөн дэлгүүр, баримал, ханын зураг, баар, музейг олон арваар нь харж болно. Энд дэлхийд өөр хаанаас ч олж харамгүй хүмүүсийн төсөөллийг урласан өвөрмөц зургууд бий. 20-р зууны эхээр арваад жилийн турш сар тутмын, долоо хоног тутмын сонин сэтгүүлд комик дангаараа нийтлэгддэг байжээ. 1900 оны эхээр Францыг харуулсан анхны маш сонирхолтой Bйcassine ба Les Pieds Nickelйs зэргийг багтаасан зургууд гарч байв. Бельгийн анхны том хэмжээний комик зургийн үйлдвэрлэл 1920-иод оны хоёрдугаар хагаст байгуулагдсан.
     Дэлхийн II-р дайны эхэн үед АНУ-аас комикс импортлох боломжгүй болсон байна. Энэ нь олон залуу уран бүтээлчид сонирхолтой комик болоод хүүхэлдэйн киноны бизнест идэвхтэй ажиллах боломжийг бий болгожээ. Эхлээд тэд Супермэн болон Флаш Гордоны дуусаагүй түүхийг үргэлжлүүлсэн, дараа нь өөрсдийн баатруудыг мөн түүхийг бий болгосон юм. Өнөөдөр Франц-Бельгийг харуулсан олон арван комик Европын орнуудын хэлээр орчуулагдан гарсаар байна.