Гиннесийн номонд орсон дэлхий дээр нарийн гудамж Германы хуучны хот болох Reutlingen байрладаг аж. Энэ нь хоёр орон сууцны хоорондох Spreuerhofstrae хэмээх гудамж юм. Гудамжны дундаж өргөн нь 40 см хамгийн нарийн цэгтээ 31 см бол нарийханаас гадна богинохон буюу урт нь 3.8 метр болдог байна.
      Бороо орсон үед гудамж ашиглахын тулд хана шахаж явах хэрэг гардаг байна. 1,8метрээс дээш өндөртэй хүн нугаларч явах хэрэгтэй болдог гэнэ. Энэхүү нарийн гудамж 1726 онд  баригдсан боловч 1727 онд гал гарч бүрэн устсан байна. Үүнээс хойш олон жилийн дараа 1820 онд хотын захирагч олон нийтийн хэрэгцээг харгалзан өнөөх гудамжийг сэргээн засварлах шийдвэр гаргажээ. Ингээд 2007 онд дэлхийн хамгийн нарийхан гудамж хэмээн Гиннесийн номонд орсон юм.










Парламентын гудамж
    Дэлхийн нарийн гудамжны тоонд Английн Парламентын гудамж багтдаг байна. Уг гудамжны урт  50 метр байх ба өргөн нь ойролцоогоор  1.2 метр (45 инч), хамгийн нарийн хэсэг нь 0.64-аас бага метр (25 инч) юм. Тус гудамжны хана 14-р зуунаас эхлэлтэй аж. 1832 онд нэрийг нь өөрчлөхөөс өмнө “Жижиг гарц” хэмээн нэрлэгддэг байжээ.



Фан Тан нарийн гудамж
    Фaн Тан нарийн гудамж нь Британы Колумбиа-д байрлах Хятад хорооллын гудамж юм. Фандора өргөн чөлөөг холбодог. Уг гудамж нь 35 инч (89 см)-ийн өргөнтэй. Анх ресторан, дэлгүүр болон хар тамхичид, мөрийтэй тоглоомчдын дүүрэг байсан. Өдгөө жуулчдын байнга очдог дэлгүүр, галерей, Хятад кафе, олон жижиг үсчний газар, орон сууц, оффисууд байрлаж байна.







Мартин трозигс гранд
   “Мартин тротзигс гранд” нэртэй гудамж нь Шведийн Стокгольм хотноо оршдог. Энэ нь ердөө 90 см (35 инч) нарийхан шатаар дамжин доош буудаг аж. Стокгольмд худалдаачид, цагаачид ирж байсны дотор Мартин тротзигс өөрийн дэлгүүрээ нээснээр (1559-1617) энэхүү гудамжийг түүний нэрээр нэрлэсэн байна. Тэрээр хожим нь Стокгольм дахь хамгийн баян худалдаачдын нэг болсон юм.





Страда Сфорий
    Страда Сфорий (Strada Sforii) гудамж нь Румын улсын Брасов хотын Счэй зөрлөгийн ойролцоо байрладаг. Гал сөнөөгчид энэ гудамжийг барьж байсан хэмээн 17-р зууны баримт бичигт дурдсан байдаг. Одоо бол Strada Sforii гудамж нь аялал жуулчлалын онцгой бүс юм. Өргөн нь харилцан адилгүй 111-аас 135 сантиметр, урт нь 80 метр (260 фут) байна.