Барилгын зураг төсөл, эрдэм шинжилгээ, барилга угсралт, барилгын материал үйлдвэрлэлийн байгууллагуудад зориулсан Барилгын бат бэх, найдварт байдалд тавигдах шаардлага, төлөвлөлтийн зарчмыг тогтоосон Европын холбооны Еврокод 0-9 ангилалд хамаарах 133 стандарт, мөн барилгын бүтээгдэхүүн ажил үйлчилгээ, сорилт туршилтын талаар тодорхойлсон 31 стандартын баримт бичгийг манай улс нэвтрүүлэн ашиглахаар боллоо.



133 стандартыг агуулсан Еврокод 0-9 ангиллыг тодруулбал,

• 1990. EUROCODE 0. Даацын хийцийг төлөвлөх үндсэн дүрэм
• 1991. EUROCODE 1. Даацын хийц
• 1992. EUROCODE 2. Бетон конструкц
• 1993. EUROCODE 3. Металл хийц
• 1994. EUROCODE 4. Төмөр бетон хосолмол хийц
• 1995. EUROCODE 5. Модон хийц
• 1996. EUROCODE 6. Чулуун өрөг
• 1997. EUROCODE 7. Геотехник
• 1998. EUROCODE 8. Газар хөдлөлд тэсвэртэй хийц
• 1999. EUROCODE 9. Хөнгөнцагаан конструкц багтана.

     Барилга байгууламжийн бүтээц ба буурийн найдвартай ажиллагааг хангахад чиглэсэн ерөнхий зарчмыг тогтоож, барилгын зураг төсөл зохиох, барих, ашиглахад мөрдөх норм нормативын баримт бичиг, стандартыг боловсруулахад чиглэсэн дээрх 160 гаруй стандартыг Барилга, Хот Байгуулалтын сайд Д.Цогтбаатарын 2015 оны 8 дугаар сарын 03-ны өдрийн 167 дугаар тушаалаар баталсан юм.

Манай улс барилгын салбартаа эдгээр Евро стандартыг нэвтрүүлэн, ашигласнаар:

• Монголын барилгын чанар, аюулгүй байдал, наслалтыг дээшлүүлэх
• Шинжлэх ухаан технологийн дэвшлийг ашиглах
• Барилгын бүтээгдэхүүнийг экспортлох боломжийг нэмэгдүүлэх. Мөн гадны хөрөнгө оруулагчдад үйлчилгээ үзүүлэх
• Хөрөнгө оруулалт татах
• Чөлөөт худалдааны нөхцлийг хөнгөвчлөх
• Оролцогчид нэг хэлээр ярих
• Монголын оролцогчдын өрсөлдөх чадварыг дээшлүүлэх зэрэг давуу талтай.

     Уг стандартыг Англи хэл дээр сонгон, түр хэрэглэж байхаар шийдвэрлэж, явцын дунд шаардлагатай стандартуудыг орчуулах, Монгол орны байгаль цаг уур, улирлын онцлогийг харгалзан үзэж өөрчлөлт оруулах, боловсронгуй болгох хэлбэрээр ашиглахаар салбарын Төрийн болон Төрийн Бус Байгууллагууд зөвшилцсөн байна.

     “Төрийн албан ёсны хэлний тухай” хуульд Монгол хэлийг Монгол Улсын төрийн албан хэрэг хөтлөлт, төрийн албан ёсны үйл ажиллагаанд хэрэглэхээр заасны дагуу эдгээрээс хэвээр мөрдөх стандартуудыг орчуулж, өөрийн орны нөхцөлд тохируулан боловсруулах, үндэсний норм болгон батлах, мөрдүүлэх зэрэг холбогдох ажлыг цаашид үргэлжлүүлэн гүйцэтгэх тухай БХБЯ-ны Стратеги, Бодлого Төлөвлөлтийн газрын Норм, Нормативийн хэлтсийн дарга Ц.Бор мэдэгдлээ.

     Барилга, Хот Байгуулалтын сайдын 2015 оны 167 дугаар тушаалаар батлагдсан стандартын жагсаалтыг www.barilga.mn сайт бүрэн эхээр нь хүргэж байна.

Европын Холбооны CEN/TC250 дугаар техникийн хорооны Еврокод 0-9-д хамаарах Барилгын бат бэх, найдварт байдалд тавигдах шаардлага, төлөвлөлтийн зарчмыг тогтоосон 133 стандартын баримт бичгүүдийн жагсаалт:




 
Бүтээгдэхүүн ажил үйлчилгээ, сорилт туршилтын талаар тодорхойлсон 31 стандартын баримт бичгүүдийн жагсаалт: