Сүүлийн жилүүдэд дэлхийн хамгийн өндөр барилгууд Ази тивд сүндэрлэх болсон. Энэ нь Ази тивийн орнуудын хөгжил хурдацтай явагдаж байгаатай нэг талаар холбоотой ч нөгөө талаараа уг тивийн хүн амын өсөлт асар хурдтай явагдаж, хотуудад  нягтрал бий болж, байгаатай холбоотой гэнэ. Тэнгэр баганадсан өндөр барилгуудын өлгий Ази тивд дахин нэгэн өндөр барилгыг ашиглалтанд оруулахаар тус тивийн  БНСУ 2009 онд шийджээ.
       Тус улсын нийслэл Сөүл хотод сүндэрлэх энэхүү барилгын ажил 2009 оноос эхлэсн бөгөөд 2016 онд ашиглалтанд оруулахаар ажилллаж байгаа гэнэ. 555м өндөр 123 давхар энэхүү барилгыг тус улсын тэргүүлэгч компанийн нэг “Лотте” компани захиалан бариулж байгаа учир “Лотте ворд” тавор хэмээн нэрлэжээ. Анх 100 давхар барилга барихаар төлөвлөж ажлаа эхлэсэн ч дахин 23 давхарыг нэмж барихаар болсон нь уг барилгын барих хугацааг сунгахад нөлөөлсөн байн. Барилгыг ашиглалтанд ороход хаана нь ямар ажил үйлчилгээ явуулах нь нэгэнт тодорхой болсон байна. Тухайлбал:  “Лотте ворд” таворын 1-12 давхарт эрүүл мэндийн төвүүд, 14-38 давхарт оффисс, 42-71 давхарт худалдаа, үйлчилгээний газрууд, 76-101 давхарт зочид буудал, 117-123 амралт зугаа цэнгээний болоод тоглоомын газар байхаар төлөвлөжээ. Энэхүү барилга ашиглалтанд орсноор  өндөрөөрөө Ази тивдээ 5-рт бичигдэх юм байна.