Японы төдийгүй Азийн соёлын илрэл Юнескогийн үнэт өвд бүртгэгдсэн 1200 жилийн түүхтэй  “Шингон” сүмээс сэдэвлэн нэгэн гайхамшигт барилга Японд гурван жилийн өмнө боссон юм. Дэлхийн өнцөг булан бүрээс Японыг зорин ирэх  жуулчдад зориулан уг зочид буудлыг зохион бүтээсэн хэмээн архитектор нь өгүүлсэн байдаг.  Энэхүү нь магад залуусд зориулсан дэлхийн хамгийн анхны зочид буудал ч байж мэднэ.  Барилга урт  үргэлжилсэн хэлбэртэй бөгөөд энэхүү модон бүтээцэт  зочид буудалд хоёр  өөр орон зайг бий болгож чадсан нь сонирхолтой болгожээ.  Нэгд нь 20 хүний багтаамжтай лоунж байхаар төлөвлөсөн бол, нөгөөд нь /гудасны хэмжээгээр тусгаарлагдсан/  нэг ортой өрөөнүүд байх юм.
Японы хот болгонд байдаг капсулан /нэг хүний орны хэмжээтэй/ зочид буудал шиг хэрнээ өрөө бүрийг зочид хоорондын тав тух, харилцааг идэвхтэй байхаар бодож төлөвлөсөн.  Мөн хувийн аюулгүй байдлыг хангах  зорилгоор өрөө бүрийг тохиромжтой зайгаар тусгаарлаж өгсөнөөрөө зөвхөн зөвхөн унтахад зориулсан жижиг буудлуудаас ялгаатай гэнэ.
Нимгэн модон бүтээц сонгосноор, ачаалал авах тулгуур баганууд хөнгөн харагдахаас  гадна байгууламжид засвар үйлчилгээ хийхэд хялбар болох юм. Мөн орон зайн хувьд энгийн төлөвлөлт хийж өгсөн нь барилгыг урт хугацааны турш ашиглан өөрчлөн сайжруулах боломжтой болгосон аж.
Архитектурын хувьд барилгын гадна талыг 455-мм зузаантай ханаар, дотор талыг  2*4 инч/5,08*10,16/см-ийн хэмжээтэй модон бүтээцээр хийсэн.  Үүнээс гадна Японы эртний уламжлалт архитектураас сэдэвлэн  тавилгын  загварыг бүтээжээ.
Төв хэсэгт уртаар үргэлжлэх  хонгил хооронд модон баганууд эсрэгцэн байрлах ба өндөр талаар орж буй байгалийн гэрэлтүүлэг нийтийн болон хувийн орон зайг холбож өгөх гэнэ.
Архитекторын шийдлээр  эртний  уламжлалт архитектурыг санагдуулахын тулд модон бүтээцийн дээгүүр байгалийн гэрэл тусгаж өгсөн нь тун сонирхолтой болж чадсан байна.  Нимгэн жижиг хөнгөн тулгуур баганууд нь таатай дулаан уур амьсгал бүрдүүлхээс гадна амралт уулзалтын хэсэгт  тухлан суух онцгой мэдрэмжийг төрүүлдэг байна.