Нью-Иорк хотын Хадсон голын эргийн дагуу далавчаа хумисан эрвээхий мэт хэлбэртэй нэгэн барилгыг барих эсэх талаар хотын удирдлагууд саяхнаас маргах болжээ. Мал аж ахуй, газар тариалан эрхэлдэг хэр нь төв суурин газар амьдрах сонирхолтой иргэдэд зориулан барих энэхүү төсөл хэрэгжиж чадвал амьтны хэлбэр дүрсийг илэрхийлсэн 100-аас дээш давхар бүхий дэлхийн анхны барилга төдийгүй хотын төв хэсэгт байршилтай анхны фермерийн газар болох юм.  Бельгийн архитектор энэхүү зураг төслийг нь боловсруулсан бөгөөд 132 давхар, 609м өндөр баригдах төсөл хөрөнгө санхүүгийн бүхий л асуудал шийдэгдсэн хэрдий ч барилгын эхлэхгүй байгаагийн шалтгаан нь ашиглаглалтын зориулалттай холбоотой гэнэ.              Хүнсний шинэ ногооны аварга том хүлэмжүүд, гахай, үхэр тахиа, нугасны аж ахуй уг барилгад байрласнаар хотын иргэд ч зөөвөрлөж, тээвэрлээгүй шинэхэн хүнс хэрэглэх  боломжоор хангагдах юм. Түүнчлэн эрвээхийн дүрст барилгын далавчийн нөгөө жигүүрт өндөр зэрэглэлийн зочид буудал байгуулахаар төлөвлөж, дээврийн болоод далавчийн эрмэг хэсгүүдэд нарны зайн төхөөрөмжүүд суурилуулан барилгын цахилгаан, дулааны асуудлыг шийдэх аж.
Гэвч яагаад барилгын ажлыг эхлүүлэхгүй байгаа талаар иргэд зочид буудал, фермер хоёрыг нэг барилгад хослуулах боломжгүй гэж үзэж байгаа бол Нью-Иорк хотын захиргаанаас уг барилга нь баригдсан зардлаа нөхөх боломжгүй хэмээн үзсэн гэж мэдэгджээ.   Учир нь уг барилгын ашиглалтай талбайн 30 орчим хувьд сорьцын шинжилгээний лабораториуд байрлах бөгөөд агуулах, ажилчдын өрөө зэрэг орлого үл олох өрөө талбай их байгаа гэнэ.