Сэргээгдэх эх үүсвэрээс гарган авч байгаа эрчим хүчний өнөөгийн хүчин чадлыг ойрын ирээдүйд сайжруулснаар энэ нь 2020 он гэхэд дэлхийн эрчим хүчний хэрэглээний 26 хувийг хангах боломжтой гэсэн тооцоог мэргэжилтнүүд гаргажээ. Дэлхийн эрчим хүчний дөрөвний нэгийг сэргээгдэх эх үүсвэрээс хангах салбар нь ирээдүйд үсрэнгүй хөгжих үндэс нь тавигдаж байгаа аж. Нөгөө талаар 1973 оны газрын тосны хямралын дараа Парист байгуулагдсан Олон улсын эрчим хүчний хүрээлэнгийн 40 жилийн уйгагүй оролдлогын үр дүн гэж ажиглагчид дүгнэж байна.

     Тус хүрээлэн нь ирэх 5 жилд дэлхий сэргээгдэх эрчим хүчний хүчин чадлыг 700 гигаваттаар (тэрбум ватт) нэмэгдүүлнэ гэсэн таамгийг дэвшүүлжээ. “2020 он гэхэд сэргээгдэх эх үүсвэрээс гарган авах эрчим хүчний хэмжээ нь Хятад, Энэтхэг, Бразиль улсын өнөөгийн цахилгааны эрэлтээс өндөр байна” гэж Олон улсын эрчим хүчний хүрээлэн мэдэгдлээ.

     Өнөөдөр сэргээгдэх эх үүсвэрээс гарган авсан цахилгааны 22 орчим хувийг нарны эрчим хүч, салхин болон усан цахилгаан станцаас гарган авдаг. 2020 он хүртэл энэ хэмжээг жилд нэг хувиар ахиулах буюу Япон улсын хэрэглээг хоёр дахин нэмэгдүүлсэнтэй тэнцэх цэвэр эрчим хүчийг нэмснээр дээрх зорилтод хүрэх боломжтой аж.