Нарны эрчим хүчний технологийг тусгасан шилдэг бүтээлийг шалгаруулдаг “Solar Decathlon 2015” шагналын эзнээр хар шуурганд тэсвэртэй барилга барих судалгааг хийсэн Стивенсийн Технологийн их сургуулийн оюутны баг тодорчээ. Тэдний зохион бүтээсэн “SURE HOUSE” байшин нь агаар болон нарны гэрлийн тусгалыг сайн нэвтрүүлдэг, дэлгэгддэг, нарны эрчим хүчээр хангагддаг байшин юм. Гамшгийн үед тус байшингийн доод давхрыг хоргодох байр болгон ашиглах зориулалттай, бат бөх хийцтэй аж. Оюутнууд хэдэн жилийн турш судалгаа, туршилт хийсний үр дүнд ийнхүү нарны эрчим хүчээр хангагддаг, ирээдүйд ашиглалтын эрэлт хэрэгцээг авчрах дэвшилтэт байшинг бүтээжээ.

     Өнгөрсөн хэдэн долоо хоногийн турш зах зээлийн нөхцөл, тав тухтай орчин, архитектур болон эрчим хүчний тэнцвэрт байдал зэрэг 10 нэр төрлийн шалгаруулалтаар 17 баг өрсөлдсөн. Харин дээрх бүх нөхцлийг хангасан төслийн эздээр дээрх баг тодорсон юм. Дараа нь Нью-Йоркийн их сургуулийн Буффало дахь сургуулийн баг хоёр, Сан-Луйс Обиспо дахь Калифорнийн Политехникийн их сургуулийн баг гуравдугаар байрт тус тус оржээ.