Архитектур: ЖМП арчикеткен
Байршил: Шанхай, БНХАУ
Төслийн зохион байгуулагч: Су Жун
Багийн гишүүд: Стефан Хорншэйт, Ли Зэнг, Зоу Бин, Жиан Жин 
Нийт талбай: 136540.0 м2
Төслийн жил: 2015он
Гэрэл зурагчин: Кристиан Гахл
Гэрэл чимэглэл: Консэпт ЖМБЭйч
Захиалагч: Сохо Чайна

     Архитектурын зүгээс: Шанхайн зүрхэнд орших Францын хуучин концессийг “урт Ли” гэх ба бид үүнийг энгийн шулуун төлөвлөлттэй гэдгээр нь андахгүй. Ли нь хөрш гэсэн утгатай үг юм. Уг гудамж нь барилгуудыг хооронд нь зааглаж өгдөг бөгөөд оршин суугчдад тав тухтай, дотно орон зайг мэдрүүлдэг байна.

     Энэхүү төслийг Хятадын томоохон компани болох Соход зориулан төлөвлөсөн. Үүнд ресторан дэлгүүр, мөн анхлан үйл ажиллагаа эрхэлж буй залуу компиануудад түрээслэх оффисийн өрөөнүүд багтана. Төслийг зэргэлдээ барилгуудын ур хийц, чимэглэл, зориулалт, хэмжээтэй уялдуулан төлөвлөснөөр  түүхэн барилгуудыг нэгтгэн томоохон цогцолбор болгосон төдийгүй, одоогийн бүтцийг ашиглан “хот доторх хот”-ыг байгуулах чухал ач холбогдол бүхий суурин газрыг бий болгож чадсан юм.

     Уг цогцолбор барилга нь Баруунаас зүүнийг холбосон налуу тавцан бүхий үндсэн 9 блокоос бүрдэх ба ямар нэг орон зайн хязгаарлалтгүйгээр явган замын сүлжээ болон жижиг модот ургамалаар хүрээлэгдсэн төв талбайд ресторан  байрлахаар төлөвлөсөн нь үнэхээр сонирхол татна. Цогцолборт зоорийн давхрууд, газар доорх төмөр замыг холбосон нүхэн гарц хийж өгснөөр олон нийтийн цугларах боломжийг бүрдүүлнэ.

      Гадна фасад болон дээврийн хувьд янз бүрийн өргөнтэй гоёлын цайвар өнгийн байгалийн чулуугаар өнгөлсөн. Үүнийг гүн саарал өнгийн шилтэй хослуулахаар фасаданд шулуун судал бүхий контраст үүсэх юм. Ийнхүү түүхэн хэв маягийг австракт загвартай хоршуулснаар олны анхаарлыг ихээхэн татаж чаддаг. Уг төслийг гүйцэтгэснээр -LEED GOLD-/U.S green building council/ сертификатыг гардан авсан.

     Тайлбар: LEED-Leadership in Energy and Environmental Designын -Эрчим хүч ба Орчны Загварын Манлайлагч юм.