“БАРИЛГА.МН” сэтгүүлийн II улирлын захиалга дуусахад цөөхөн хоног үлдлээ
Batsuh
Барилга, архитектур, үл хөдлөх хөрөнгө, экстерьер, интерьер дизайнерууд болон байр авахаар сонирхогч иргэддээ зориулан хамгийн үнэтэй зөвлөмжүүдийг сар бүр хүргэж байдаг “БАРИЛГА.МН” сэтгүүлийн II улирлын захиалга орон даяар явагдаж байна.
Барилгын салбарынхны дуу хоолой болж байдаг тус сэтгүүл нь салбарын бизнес эрхлэгчдийнхээ үзэл бодол, Төрийн болон төрийн бус байгууллагуудаас гаргасан шийдвэрүүд, эдийн засагч, судлаач, мэргэжилтнүүдийн байр суурь, цаг үеийн мэдээ мэдээллийг тэнцвэртэйгээр хүргэхийн зэрэгцээ шинэ орон сууц болон барилгын материалын үнэ ханшийг тогтмол шинэчлэн гаргаж байна.
Барилгын болон зураг төслийн инженер, техникийн ажилтнууд, энэ чиглэлээр суралцаж буй оюутан залуус, сонирхогчдод шинжлэх ухааны ололт, бүтээл, хүний хөдөлмөрийг хөнгөвчилсөн дэвшилтэт технологи, барилгын шинэ соргог материал гээд цаг үеэ дагасан сонирхолтой мэдээлэл, салбарт тулгамдаж буй асуудлыг хөндсөн нийтлэлүүдийг сэтгүүлээрээ дамжуулан түгээж буй. Орон сууц, үл хөдлөх хөрөнгө эзэмшигч, ашиглагч та бүхний эрх зөрчигдөж, ая тухтай амьдралд тань саад болж буй асуудлын талаар сэтгүүлийн редакцид мэдэгдэж, холбогдох газарт нь асуудлаа уламжлуулаарай.
Түүнчлэн урин дулааны цаг ирж барилгын ажил эрчимтэй явагдаж эхэлдэг энэ үед амины орон сууцаа өөрсдөө барих, мэргэжлийн хүмүүсээр бариулах гэж буй иргэдийнхээ хэрэгцээнд зориулж байшин барихад шаардлагатай мэргэжлийн байгууллагын зөвлөгөө, төсөв өртөг, тооцоолол зэргийг бодит жишээнд тулгуурлан бэлтгэж байна.
Амины орон сууцыг чанартай барьж гүйцэтгэхэд шаардлагатай сууриа ухах, цутгах, угсралтын ажлыг хийх, дулаалгыг хэрхэн шийдэх, халаалт агааржуулалт, эрчим хүч, цэвэр бохирын асуудлаа цогцоор нь боломжийн өртөг зардалтайгаар шийдэж болох гээд бүхий л зөвлөмжүүдийг эндээс уншаарай.
Мэдээж байр авах гэж буй уншигчиддаа шинэ орон сууц худалдан авахад анхаарах ёстой зүйлс, үл хөдлөх хөрөнгөө хэрхэн борлуулах тухай, үнэ ханшийн бодит мэдээлэл, мэргэжлийн хүний зөвлөгөөг зориулж байна.
Энэ бүх мэдээлэл, зөвлөмжүүдийг зөвхөн “БАРИЛГА.МН” сэтгүүлээс цогцоор нь хүлээн авах боломжтой шүү. Сэтгүүл захиалгын хугацаа дуусахад цөөхөн хоног үлдсэн тул та бүхэн амжиж захиалаарай.