Байгаль орчинд ээлтэй, дулааны хэмнэлттэй, зөөж ашиглахад хялбар СИП экологийн цэвэр модон хийцийг барилга, амины орон сууцанд өргөнөөр ашиглаж байна. Энэхүү технологийг амины орон сууцаа өөрсдөө барих гэж байгаа хүмүүс ашиглахад бүр ч хялбар байдаг. Байшингийн сууриа тавиад, мэргэжлийн багаар угсралтын ажлаа гүйцэтгүүлээд авахад бусад ажлыг өөрсдөө хийх бүрэн боломжтой.

  Ялангуяа хөдөө орон нутагт цонх, хаалга гэх мэт барилгын материалын үйлдвэрлэл, худалдаа хэдийнээ төвлөрч эхэлсэн учир нутгийн иргэд өөрсдөө сууцаа барьж, хямд зардлаар байшинтай болох нөхцөл бүрдэж байна.
СИП технологийн амины орон сууц барих зөвлөмжийг та бүхэнд хүргэхийн хажуугаар, энэ чиглэлээр дагнан үйл ажиллагаа явуулдаг “Дэлгэрконстракшн” ХХК-ийн үйлдвэрлэлээс товч танилцуулъя.
 

“Дэлгэрконстракшн” ХХК нь Канад хийцийн модон байшинг захиалагчдад “үйлдвэрийн бүрдэл”, “стандарт бүрдэл”, “түлхүүр өгөх нөхцөл”-өөр үйлчилгээ үзүүлж байна.

  Үйлдвэрийн процесс нь барилгын зураг төсөл зохиох, үйлдвэрийн бүрдэл буюу хана, хучилтын ДДХ (SIP) хавтангууд, модон дам нуруу, шувуун нуруун хийцийг үйлдвэрлэх, модон бэлдцүүд бэлтгэх гэсэн дамжлагаар явагддаг. Байшингийн бүрдэл хэсгийг компанийн хяналтын дор чанарын шаардлагыг мөрдлөг болгон, мэргэшсэн ажилтан богино хугацаанд үйлдвэрлэдэг.

  Барилгын ДДХавтангийн гол түүхий эд нь өнгөлгөөний материал, дуу, дулаан тусгаарлах чанарын материалууд байдаг. Олон улсын стандартын шаардлагыг хангасан зоргодсон модон (OSB) хавтан, файбер цементэн хавтан (Fiber cement), эрүүл ахуйн шаардлага хангахуйц хөөсөн хавтан (полиуретан EPS, XPS төрлийн хөөсөн хавтан) ашиглана. Гол түүхий эд болох EPS төрлийн хөөсөн хавтанг манай улсын MNS 4629-2007 стандартын дагуу үйлдвэрлэж барилгад өргөн хэрэглэдэг. Эдгээр стандартын дагуу барилгын материалуудыг дулаалгад ашиглавал хамгийн сайн, дулаан байшин болж чадна.


Барилга угсралтын ажил

  Хөөсөнцөр хавтан нь дулаан дамжуулах чанар, нягтаршил сайтайгаараа эрдэс хөвөнгөөс ялгаатай ба бат бөх чанартай тул ачаалал даах бүтээцийн нэг элемент болдог. Эрдэс хөвөн нь ашиглалтын явцад чийг авч, өөрийн жингийн нөлөөгөөр суулт өгснөөр “хүйтэн гүүр” үүсгэдэг. Зарим тохиолдолд байшингийн бүтээцүүд ялзарч муудахад хүргэдэг сул талтай.   

  Дулаан дамжуулах чанарын үзүүлэлтээр 15 см зузаантай хөөсөнцөр хавтан бүхий СИП хавтан нь 2.8 метр зузаан тоосгон ханатай дүйцдэг. ДДХ (SIP) хавтангуудыг холбоход модон брус ашиглана. Ингэснээр СИП барилгын бүтцийн дотор барилгын хучилт болон дээврээс хананд ирж байгаа ачааллыг даах чадвартай хатуу модон каркас үүсдэг. СИП доторх холболтын брус мод нь сонгодог модон каркасын тулгуур, дам нуруу, хөндлөвч болон унь модны үүргийг гүйцэтгэдэг. Ийм барилга нь модон каркасан барилга болно.  

  Уламжлалт технологиор барьсан сууцыг бодвол халаалтын зардал нь 60-80 хувиар бага гарна. Байшингийн хана, шал, хучилт, дээвэр, цонх, хаалга зэрэг хийц, материалыг шууд угсрахад бэлэн байхаар үйлдвэрт бэлтгэдэг нь байшингийн угсралтын хугацаа, өртгийг бууруулдаг. Хучилт нь хана болон хана хоорондын битүүмжлэл сайтай тул байшинг дулаан тусгаарлалт сайтай болгодог. Талбайд угсрахад байшингийн хэмжээ зөрж, алдаа гарахгүй, хог хаягдалгүй баригддагаараа давуу талтай.

  Барилгын дотор өнгөлгөөнд гипсэн хавтан ашиглах бөгөөд энэ нь засал хийхэд хялбар, өртөг багатай байдаг.

  Гадна өнгөлгөөний тухайд өнгөлгөөний тоосго, “сайдинг”-аар өнгөлөх, “блок-хаус”, эсвэл плита, чулуун замаска татах зэрэг өнгөлгөө заслын материалыг өргөн ашиглах боломжтой юм. Шал, хана, таазны гадаргууд нэмэлтээр бэлтгэл ажил хийх шаардлагагүй. Дээврийг ямар ч төрлийн (зөөлөн болон жинхэнэ черепиц хавтан, хуйлмал хар цаас, металл церепиц, төмөр, шифр гэх мэт) хучилтын материалаар хучиж болно.

Барилгын бат бөх чанар

  СИП хавтангууд нь бат бөх байдаг ба каркасгүй байсан ч байшингийн жин болон хүчтэй салхинаас ирэх хажуугийн ачаалал, дээвэр дээрх цаснаас ирэх ачааллыг даах чадвар нь маш өндөр байдаг. Хоёр хүчний систем (модон каркас болон СИП хавтан)-гийн нийлбэр СИП хавтангаар барьсан байшингуудыг ердийн каркасан байшингаас 8 дахин бат бөх болгодог.




Цахилгаан, гадна бохир ус, цэвэр усыг хэрхэн шийдэх вэ?

  Төвийн усан хангамжийн шугамд холбогдох боломжийг судлах хэрэгтэй. Үгүй бол цэвэр ус, бохирыг бие даан шийдэх шинэ шийдлүүдээс сонгох боломжтой.
Цахилгааны хувьд нарны эрчим хүчний эх үүсвэрийг хэрэглэхэд тохиромжтой. Мэдээж энэ нь эхний удаад өндөр зардал шаардана. Гэхдээ эхний 5 жилийн хэмнэлтээс л энэ зардлаа нөхөж, нэмэлт орлого ч олох боломжтой. Ус халаахдаа ч нарны зайн халаагуур ашиглах нь тохиромжтой.

СИП хавтангаар барьсан байшинд халаалтын ямар систем илүү тохирох вэ?

  СИП хавтангаар барьсан байшингийн халаалтад ямар ч төрлийн халаалтын систем тохирно. Гэхдээ хамгийн боломжит хувилбар бол өрөө бүрт тусад нь тохируулах боломжтой шалны болон панелин цахилгаан халаалт байж болно.
 
СИП хавтангаар барьсан байшинд жижиг мэрэгчид хор учруулдаг уу?

  SIР хавтангаар барьсан байшингийн суурь өндөр бөгөөд бат бөх, бүтээцүүд нь найдвартай, дулаалгын материал сайн битүүмжлэгдэн хамгаалагдсан байдаг. Амьтдын хувьд хөөсөнцөр нь хоол тэжээл болдоггүй, мөөгөнцөр, бичил биет болон нян бактери өсөж үржих орчин бүрдүүлдэггүйгээрээ давуу талтай. Мөн байшинг барих үедээ мэрэгчдээс хамгаалсан нэмэлт хамгаалалт хийх боломжтой. Үүнд, доод хавтангуудад тусгай найрлагатай бодис нэвчүүлэх (найрлага нь хүнд хоргүй), сэндвич хавтанг хамгаалах зориулалттай нарийн тор хэрэглэх, мэрэгчдийг үргээх хэт авианы төхөөрөмж суурилуулж болно.        
 

Гал түймрийн үед СИП хавтан аюултай юу?

  СИП хавтангийн хөөсөнцөрт агуулагдах антипирин нь материалыг өөрөө унтардаг шинж чанартай буюу СИП хавтанг галын аюулгүй байдлын өндөр үзүүлэлттэй болгодог.

  Галын үйлчлэлгүйгээр энэ материалд үүссэн гал өөрөө унтарна гэсэн үг. Галыг өдөөж дэмждэггүй чанартай. Монголд үйлдвэрлэж байгаа хөөсөнцөр хавтанд антипирин хэрэглэж байгаа барилгын модон бүтээцүүдэд галаас хамгаалах найрлагатай бодис нэвчүүлнэ. ДДХавтангаар бэлтгэж бэлэн болгосон байшингийн бүтээцийг дотор болон гадна талаас нь дурын материалаар (гипсэн хавтан, шавардлага, сайдинг гэх мэт) засал чимэглэл хийж болно. Мод болон брусэн байшингуудтай харьцуулахад СИП хавтан бүхий байшингийн галын аюулгүй байдлын үзүүлэлт нь маш өндөр.          
 
СИП хавтангаар барьсан байшин экологийн цэвэр байж чадах уу?
 
  Хөөсөнцөр хавтан – энэ бол хүний эрүүл мэндэд сөрөг нөлөөгүй, экологийн цэвэр материал. СИП хавтан формальдегид, бутанол, фенол, стирол болон бусад төрлийн хүний биед хортой бодис агуулдаггүй. СИП хавтан бүхий сууц нь дэлхийн бусад улс орнуудад тавигддаг экологийн аюулгүй байдлын бүх шаардлагыг хангадаг. 


 

---

---