“БАРИЛГА.МН” сэтгүүлийн редакцаас 12 дугаар сарын шинэ дугаартаа зориулан “Барилгын хөөсөн полистирол (EPS) үйлдвэрлэгчдэд тулгамдаж буй асуудал” сэдэвт уулзалтыг “EGS Standard-Consulting” компанитай хамтран 2017 оны 11 дүгээр сарын 23-ны 14:00 цагт зохион байгуулах гэж байна.

  Бид барилгын салбарын аж ахуйн нэгж байгууллагууд, инженер техникийн ажилтнууд, бизнес эрхлэгч, ханган нийлүүлэгчдэдээ бодит мэдээ мэдээллийг хүргэх, тэдний дуу хоолойг түгээх зорилгынхоо хүрээнд сар бүр тодорхой сэдвийн хүрээнд “Харах өнцөг” буланг сэтгүүлдээ бэлтгэн нийтэлдэг билээ.

  Энэхүү уулзалтад салбарын холбогдох төрийн байгууллага болох Барилга, хот байгуулалтын яам, Барилгын хөгжлийн төв, Онцгой байдлын ерөнхий газар, Мэргэжлийн хяналтын ерөнхий газар, Нийслэлийн мэргэжлийн хяналтын газар, мэргэжилтнүүд болон Монголын барилгын материал үйлдвэрлэгчдийн холбоо, Дулааны хөөсөн полистирол хавтан үйлдвэрлэгчдийн нэгдсэн холбоо зэрэг төрийн бус мэргэжлийн байгууллагууд, үйлдвэрлэгч компаниудын төлөөллүүд оролцож, санал солилцож, хэлэлцүүлэг өрнүүлэх юм.

  Барилгын хөөсөнцөр полистирол үйлдвэрлэгчид та бүхэн холбогдох байгууллагынханд дуу хоолойгоо хүргэж, санал хүсэлтээ илэрхийлэн, харилцан хамтарч ажиллах боломжийг нээсэн уулзалт хэлэлцүүлэгт оролцохыг урьж байна.

Жич: Уулзалт хэлэлцүүлэгт оролцох үйлдвэрлэгчид бүтээгдэхүүнийхээ дээж загвараас танилцуулга болгон авчирна уу. 
 

Холбоо барих: 91000222, 77111777
Хаяг: БЗД, 6-р хороо, 13-р хороолол, “BARILGA.MN” оффис, 304 тоот