Хүний тав тухтай амьдарч ажиллах бүхий л нөхцөлийг хангасан барилгыг бүтээн байгуулагч инженерүүд, түүн дотор нь амьдран сууж буй оршин суугчид, барилгын бизнес эрхлэгчид, хашаандаа амины орон сууц барих гэж байгаа иргэд, оюутан судлаачид гээд барилгатай холбогдсон хүн бүхэнд “БАРИЛГА.МН” сэтгүүл нийтлэл, мэдээлэл, зөвлөмжүүдээ бэлтгэн хүргэсээр байна.

  Ингэхдээ юун түрүүнд барилгын салбарт тулгамдаад буй асуудлуудыг хөндөж, холбогдох байгууллага болоод албан тушаалтнуудаас хариулт авч тодруулах, салбарын бизнес эрхлэгчдийнхээ дуу хоолой болж тэдний үзэл бодол байр суурийг төр засгийн байгууллагуудад хүргэхийг зорин ажиллаж байна.

  Сэтгүүл нь барилгын инженер, техникийн ажилтнууд, барилгачдадаа зориулан мэргэжлийн зөвлөмж, эрдэм шинжилгээ, судалгааны бүтээлүүд, шинэ дэвшилтэт техник технологийн мэдээлэл, төр засгаас баримталж буй бодлого шийдвэрүүдийг тогтмол хүргэж байдаг.

  Түүнчлэн шинээр байр авахаар зэхэж буй иргэдэд хамгийн хэрэгтэй, Улаанбаатар хотод хэрэгжиж буй шинэ орон сууцны төслүүд, тэдгээрийн үнэ ханш, хаяг байршлын нэгдсэн мэдээллийг сар бүр шинэчлэн гаргадаг юм. Мөн барилга барих, бариулах гэж байгаа та бүхэн тухайн сард барилгын материалын үнэ болоод ажил гүйцэтгэлийн үнэлгээ хэрхэн өөрчлөгдөж, ямар ханштай байгааг “БАРИЛГА.МН”-ээс аваарай.

  Мэдээж нийслэл хотын ихэнх хувийг эзэлж буй хашаа хороололд амьдарч буй иргэддээ хэрэгцээтэй мэдээллийг нь тогтмол хүргэсээр байна. Өөрийн газар дээрээ насан туршдаа тав тухтай амьдрах, цаг ирэх тусам үнэ цэнэ нь өссөөр байх чанартай, дулааны алдагдалгүй байшингаа хэрхэн зөв барьж, цэвэр болоод бохирын шийдлээ яаж хийх гээд тэдэнд тулгардаг олон асуудалд мэргэжлийнхний зөвлөгөөг уламжилдаг билээ.

  Сар тутам гардаг “БАРИЛГА.МН” сэтгүүлийн цаг хугацаа үл алдах үнэ цэнэтэй мэдээ мэдээлэл, зөвлөмж, нийтлэл, ярилцлага таны амьдралд тусаа өгч, хэзээд ширээний анд найз чинь байх болно.

Харин та сэтгүүлээ захиалж амжаагүй бол IV улирлын нэмэлт захиалгад хамрагдаарай.