Барилга МН сэтгүүл

  Барилга, үл хөдлөх хөрөнгө, барилгын материалын зах зээл ба мэргэжлийн мэдээ нийтлэлийг сар бүр хүргэж байдаг “Барилга.МН” сэтгүүлийн III улирлын нэмэлт захиалга орон даяар явагдаж байна.

  Барилгын салбарын удирдах ажилтнууд, инженер техникчид, барилгачдадаа салбарын цаг үеийн мэдээлэл, төрийн байгууллагын бодлого шийдвэрийн талаар тухай бүрт хүргэхийн зэрэгцээ мэргэжлийн зөвлөмжүүд, шинэ дэвшилтэт технологи, шинжлэх ухааны ололтуудын талаар мэдээлдэг билээ.

  Мөн барилгын материалын үнэ ханш, барилгын ажил гүйцэтгэлийн үнэлгээг сар болгон шинэчлэн хүргэж байна. Харин орон сууц авах гэж байгаа болон байраа солихоор төлөвлөсөн иргэд “Барилга.МН” сэтгүүлээс Улаанбаатар хотод хэрэгжүүлж буй шинэ төслүүдтэй холбоо барих хаяг, утас, өрөөний сонголт гээд бүхий л мэдээллийг авах боломжтой.

  Сэтгүүлийн Дугаарын зочин булангаар салбарын нөлөө бүхий нэгэнтэй танилцаж, Хөндөх сэдэв булангаар тулгамдсан асуудал, Харах өнцөг булангаар мэргэжлийн түвшний мэдээлэл, Дэвшилтэт технологи булангаар дэлхийн болоод дотоодын шинэ технологи, Монголд үйлдвэрлэв булангаар дотоодын үйлдвэрлэгч, бүтээн байгуулагчдын талаарх мэдээллийг тогтмол хүргэж байна.

  Мөн Хуулийн булангаас барилгын салбарт түгээмэл тохиолддог зөрчил, хууль эрх зүйн асуудлаар зөвлөгөө авч, шинээр батлагдсан хууль, дүрэм журмуудын талаар мэдэх боломжтой.

  “Барилга.МН” сэтгүүлийг Монгол шуудан, Улаанбаатар шуудан, Түгээмэл, Скай шуудангаар тогтмол захиалж, Интер ном, Аз хур номын дэлгүүрүүд болон Номин, Оргил сүлжээ дэлгүүрүүдээс худалдан авах боломжтой.