Энэ сарын Барилга.МН сэтгүүлийн дугаар барилгын салбарын гүнрүү орсон мэргэжлийн материалууд түлхүү багтаахыг зорилоо. Монгол улсын Гавьяат барилгачин Д.Намсрайн шинжлэх ухаанд суурилан дэвшүүлж буй Улаанбаатар хот агаарын бохирдлоос салах боломж нь нийслэл хотыг дайрсан “салхин хоолой” байгуулах явдал гэсэн үзэл санааг нийтэллээ.


Мөн урьд өмнө нь манай улсад хөндөгдөж байгаагүй мөсөн унжлагын аюулын тухай хаврын улирал ирж байгаатай холбогдуулан тус сэтгүүлийн эрхлэгч А.Мягмаржавын хөнджээ. Энэ тухай товчоор тайлбарлавал, барилгын дээвэр, тагт, саравч гэх мэт гадагшаа илүү гарсан хэсэгт тогтсон цас хайлан мөсөн унжлага үүсгэж, тэрхүү мөс нь өөрийн жингээ даалгүй тасарч, тухайн барилгын дэргэдүүр явж байгаа хүмүүс, ойр орчинд тавьсан машин, эд зүйлсэд гэмтэл учруулдаг байна. Энэ тухай болон барилгын дээврийн стандартын тухай өгүүлсэн нийтлэлийг уншиж сонирхоорой.


Хуулийн буланд: Барилгын салбарын ажилчдын даатгал болон сул зогсолтын үед цалин хөлсийг хэрхэн тооцох тухай өгүүлсэн байна.

Барилгын салбарт хүний нөөцийн бодлого дутагдах болсон нь сүүлийн жилүүдэд илт ажиглагдах болсон. Эдийн засгийн уналттай байсан эдгээр жилүүдэд салбарт тогтвор суурьшилтай ажиллах нөхцөл боломж бүрдээгүйгээс мэргэжлийн ажилтан, ажилчид гадагш гарч ажиллах, нөгөөтээгүүр чанаргүй мэргэжилтнүүд бэлтгэгдэж байгаагаас хүний нөөцөд асуудал үүсээд байгаа юм. Гэтэл энэ онд зах зээл дээр эрэлттэй байгаа ажил мэргэжлийн нэгдүгээрт барилгын салбар нэрлэгдэж, 18 мянган ажлын байр ЭЗНЭЭ хүлээн байгаа билээ. Үүнтэй холбоотойгоор салбарын толгой яамд хандан барилгын салбарын хүний нөөцийн бодлогод гадны болон манай улсын социализмын үеийн туршлагыг Монгол улсын Зөвлөх инженер Ш.Сономдагва гуайн өгүүлснийг хөрвүүлжээ.


“Про бетон” үйлдвэрийн бүтээгдэхүүнүүдийг харсан хүн бүр импортынх гэж андуурдаг. Тэгвэл тэрхүү чанар, өнгө үзэмжийг хамтатган бүрдүүлсэн Монгол залуусын Про бетон үйлдвэрийг “Танайд зочилъё” онцолж байна.


Өнөөгийн барилга байгууламж Тэргэнцэртэй иргэдэд хаалттай гээд хэлчихвэл зэмлүүлэхгүй болов уу. Тэргэнцэртэй иргэд налуу зам буюу пандусыг хэрхэн гүйцэтгэх тухай зөвлөмж манай редакцад ирүүлснийг хүргэж байна.


“Ажлын нэг өдөр”-т БНХГУ-ын архитектор Үвэ фикеншерийг урьж ярилцлаа. Тэрээр эрчим хүч, дулааны асуудлыг бие даан шийдсэн “Нарны байшин” төслүүдийг амжилттай хэрэгжүүлсээр байгаа бөгөөд энэ сэдвийг голчлон ярилцжээ.
 
     Энэ мэт салбарын дуусашгүй содон соргог мэдээ, мэдээллээр баялаг Барилга.МН сэтгүүлийн гуравдугаар сарын дугаар худалдаанд гарлаа.