Барилгын салбарт бизнес эрхлэгч та бүхэн өөрсдийн үйл ажиллагаа, бүтээгдэхүүн үйлчилгээг хүртээмжтэйгээр олон нийт, зорилтот худалдан авагчдадаа таниулан, сурталчлуулахыг хүсэж байна уу?

    Тэгвэл барилгын салбарын мэдээ мэдээллийг түгээгч, бизнес эрхлэгч - хэрэглэгчдийг холбогч гүүр нь болсон “Барилга.МН” сэтгүүлийн зүгээс та бүхэнд онцгой саналыг тавьж байна. Бидэнтэй хамтран ажилласнаар барилга, үл хөдлөх хөрөнгийн зах зээл, барилгын үйлдвэрлэлийн чиглэлээр мэргэшсэн сэтгүүлч, Пи Ар мэргэжилтнүүд, гэрэл зурагчдаас бүрдсэн баг, хамт олон бизнесийг тань зах зээлийн оргил цэгт хүргэн таниулахын төлөө сурталчлан ажиллах болно. Та сурталчилгаагаа бидэнд даатгаснаар маркетинг борлуулалтын зардлаа хэмнэнгээ зорилтот олон хэрэглэгчид мэдээллээ маш бага зардлаар хүргэж, харилцагч хамтрагчдынхаа хүрээг өргөжүүлэх бүрэн боломж бий.

    Сэтгүүлийн бүхий л булан, орон зайд сурталчилгаа мэдээллээ төлбөрийн уян хатан нөхцөлтэйгөөр тавих боломжууд нээлттэй бөгөөд дараах таван буланг онцгойлон санал болгож байна. Үүнд:

  Бид чанартай бараа, бүтээгдэхүүн, үнэн бодит мэдээллийг дэмжин, олон нийтэд түгээхдээ баяртай байх болно. 
“Дэвшилтэт технологи” булан

   Гадны болон дотоодын монгол эрдэмтдийн зохион бүтээсэн дэвшилтэт техник, технологийн мэдээ мэдээлэл багтана. Танай байгууллага хүний хөдөлмөр, цаг хугацааг хөнгөвчилсөн дэвшилтэт технологи, тоног төхөөрөмжийг үйлдвэрлэх, эсвэл импортлон борлуулж байгаа бол энэхүү булан хамгийн тохиромжтой.


“Амины орон сууц” булан

  Амины орон сууц барих болон бариулахаар төлөвлөж буй иргэдэд зориулсан байшингаа чанартай, боломжийн үнээр барьж болох тухай зөвлөмж, төсөв өртөг, барилгын материалын тухай зөвлөгөө мэдээлэл тус буланд нийтлэгддэг. Тиймээс амины орон сууцыг чанартай барьж гүйцэтгэх үйлчилгээ үзүүлж буй аж ахуйн нэгжүүд иргэдэд хамгийн эрэлттэй байдаг тус булангийн зөвлөмжийг бэлтгэх замаар сурталчилгаагаа хүргэх боломжийг олгож байна.
 

“Интерьер” булан

  Энэ нь интерьер дизайнеруудын содон, өвөрмөц шийдэл бүхий интерьерийн бүтээлүүдийг танилцуулах булан юм. Сэтгүүлийн дугаар бүрт тогтмол нийтлэгддэг, уншигч ихтэй тус буланд та бүхэн бүтээлээ гаргаж, бусдад түгээж хэрэглэгч, үйлчлүүлэгчдийнхээ хүрээг тэлэх бүрэн боломж бий.
 

“Монголд үйлдвэрлэв” булан

  "Барилга.МН" сэтгүүлээс үндэсний үйлдвэрлэгчдээ дэмжин гаргадаг энэхүү буланд буланд зөвхөн үйлдвэрлэгч аж ахуйн нэгжүүд хамрагдах боломжтой. Сэтгүүлийн багийнхан танай үйлдвэр, цех дээрээс сурвалжлага бэлтгэн, олон нийтэд бүтээгдэхүүн үйлчилгээний мэдээллийг тань хүргэх болно.
 

“Танайд зочилъё” булан

    Барилгын салбарт үйл ажиллагаа явуулагч бүхий л аж ахуйн нэгжүүд энэ буланд мэдээллээ гаргах боломжтой. Байгууллагынхаа бүтээгдэхүүн үйлчилгээ, эсвэл баг хамт олноо, хийж бүтээсэн ажлуудаа олон нийтэд хүргэхийг хүссэн хэн бүхэнд бидэнтэй хамтран ажиллах санал нээлттэй байх болно шүү.