Мэргэжилтнүүд таамаглаж байна.

Эдийн засаг, нийгмийн ойрын жилүүдийн төлөв байдалд үнэлэлт, дүгнэлт өгч, гарч буй оны чиг хандлагыг тодорхойлж, ойрын үед хийх ажлаа нарийн төлөвлөх цаг мөч бизнес эрхлэгчдийн өмнө тулгараад байна. Энэ үед улс орны эдийн засгийн нөхцөл байдал, гадны болон дотоодын хөрөнгө оруулалт, зах зээлийн өрсөлдөөн, ипотекийн найман хувийн зээлийн эх үүсвэр хэрхэх зэргийг тандах шаардлага зайлшгүй бий. Иймд барилгын салбар дахь бизнес эрхлэгчдийнхээ төлөвлөгөө гаргалтанд нь нэмэр болох, уншигчдадаа мэдээлэл өгөх зорилгоор "БАРИЛГА.МН"  сэтгүүлийн Нэгдүгээр сарын дугаарт холбогдох мэргэжилтнүүдээс мэдээлэл, дүгнэлт авсныг тоймлон хүргэж байна. 

   Монгол улсын 2018 оны Төсвийн тухай хуульд дэд бүтцийн салбарт нийт 200.1 тэрбум төгрөгийн хөрөнгө оруулалт тусгаснаас шинэ төсөл, арга хэмжээнд 186.8 тэрбум төгрөгийн санхүүжилт хуваарилсан байна. УИХ-ын тогтоолоор батлагдсан “Монгол улсын тогтвортой хөгжлийн үзэл баримтлал-2030” хөтөлбөр, “Монгол улсын Засгийн газрын 2016-2020 оны үйл ажиллагааны хөтөлбөр” болон “Монгол улсын эдийн засаг, нийгмийг 2018 онд хөгжүүлэх үндсэн чиглэл”-д тусгагдсан зорилтуудыг төсвийн хөрөнгийн хязгаар, төсвийн тусгай шаардлагад нийцүүлэн хэрэгжүүлэх зорилтыг дэвшүүлсэн. Монгол улсын 2018 оны төсвийн төсөлд улсын төсвийн хөрөнгө оруулалтын үр ашигтай байдлыг сайжруулах үүднээс... 


 

   2017 оныг өмнөх жилтэй харьцуулахад эерэг жил байлаа. Эдийн засагчдын таамаглаж байснаас ч өөдрөг болсон. 2016 он бол хямрал гүнзгийрсэн, маш хүнд жил байлаа. Манай улсын зээлжих зэрэглэл, бусад хэд хэдэн  үзүүлэл  эрс дордсоныг гадаад зах зээлээс   илэрхийлж байлаа. 2016 оны сүүлчээр тааруухан байсан эдийн засаг 2017 онд харьцангуй сайжирч, бүхий л үзүүлэлт эерэг дүнтэй гарсан.  Дотоодын нийт бүтээгдэхүүний өсөлт, өрхийн орлого, зарлагын түвшин, гадаад худалдааны нийт хэмжээ,  тэнцэл, хямралын өмнөх эдийн засаг эрчтэй байсан үеийн үзүүлэлтэд дөхөж очсон гэх мэтчилэн олон сайн үзүүлэлт бий. Эдийн засгийн ерөнхий дүр зургаар нь дүгнэвэл өнгөрсөн оныг бид амжилттай давлаа. Үүний гол шалтгаан нь...

Монголын барилгын материал үйлдвэрлэгчдийн холбооны гүйцэтгэх захирал О.Лхагвадорж: Гэр хорооллын дахин төлөвлөлтийн төслүүдэд хамрагдахад үндэсний үйлдвэрлэгчид бэлэн  байгаа

   Манай холбооны  санаачилга, оролцоотойгоор боловсруулагдаж   Засгийн газрын 2012 оны 171 дүгээр тогтоолоор батлагдсан “Барилгын материалын үйлдвэрийг хөгжүүлэх хөтөлбөр”-ийн хүрээнд 2012-2015 оны хооронд 300 гаруй үйлдвэр, 2016-2017 онуудад 10 гаруй үйлдвэр шинээр ашиглалтад орсон байна. Үүнээс нэр төрлөөр нь авч үзвэл хуурай аргаар  жилдээ 1,0 сая хүртэл тонн цемент үйлвэрлэх хүч чадалтай иж бүрэн үйлдвэр дөрөв, клинкер тээрэмдэх цех хоёр, уурхайн зуух бүхий шохойн нэг, бэлэн бетон зуурмагийн 88, бетоны химийн нэмэлтийн найм, бетонтөмөр, бетон зуурмаг,  угсармал байшин үйлдвэрлэх зэрэг 20, төрөл бүрийн дулаан тусгаарлах материалын болон сендвич хавтангийн 30, элс хайрга бутлан ангилах 25, барилгын төрөл бүрийн интерьер, экстерьерийн засал чимэглэл, интерьерийн 20, автоклавын хөнгөн бетоны 12, ханын төрөл бүрийн гулдмайн 10, металл хийцийн 15, хуванцар цонх, хаалга, түүний бэлдцийн 78, хуванцар хоолой холбох хэрэгслийн шинэ үйлдвэр найм ашиглалтад орсон.

   2010 онтой харьцуулахад төслийн хүчин чадал  нь цемент үйлдвэрлэлд зургаа, бетон зуурмагийн үйлдвэрлэлд дөрөв , тоосгоны үйлдвэрлэлд 1,5, хөнгөн бетоны үйлдвэрлэлд гурав , бусад үйлдвэрлэлд 1-5 дахин тус тус  нэмэгдлээ...

   2017 оны дөрөвдүгээр улирлын тайлан мэдээ хараахан бүрэн гараагүй. Ерөнхийд нь дүгнэхэд 2017 онд орон сууцны зах зээл харьцангуй тогтвортой байлаа. Үүний гол шалтгааныг гурван хүчин зүйлээр тайлбарлая.

Нэгдүгээрт, орон сууцны зах зээл дэх үнийн хөөргөдөл бууж,үнийн хөөсрөлт гэсэн ойлголт байхгүй болсон. Мэдээж өнгөрсөн онд нийлүүлэлт их байсан, одоо ч нэмэгдсээр байна. Мөн борлуулалт бүр зогсчихоогүй, эргэлт үргээлжилж байна. Нийлүүлэлт нэмэгдсэн болохоор орон сууцны үнэ цаашид буурна гэсэн хүлээлт иргэдийн дунд байгаа нь ажиглагдсан. Эдийн засаг дахь бэлэн мөнгөний хэмжээ бага ч борлуулалт үргэлжлээд байгаагаас харахад орон сууцны үнэ дахин буурахгүй, буурсан ч бага зэрэг л өөрчлөгдөх болов уу. Барилгын салбарт баримталж байгаа төрийн бодлогод нэг их өөрчлөлт гараагүй учраас 2018 онд ч өнгөрсөн жилийн нэгэн адил орон сууцны зах зээл тогтвортой байна. Цаашлаад...

Дэлгэрэнгүйг "БАРИЛГА.МН" сэтгүүлийн №92-оос уншаарай.