Улиран одож буй цаг хугацаа, бүхэл бүтэн нэг жил ард хоцорч шинэ он, бүтээн байгуулалтын шинэ улирал эхэлж байна. Он солигдох энэхүү цаг үед "БАРИЛГА.МН" сэтгүүлийн шинэ он, шинэ улирлын захиалга орон даяар явагдаж эхэлснийг дуулгахад таатай байна.

   Манай сэтгүүл нь дэлхий нийтийн чиг хандлага байгальд ээлтэй технологид чиглэж буйтай хөл нийлүүлэн нийтлэлийн бодлогодоо ногоон барилга, ногоон технологи, ногоон бүтээн байгуулалт, хог хаягдалгүй үйлдвэрлэлийг онцлон, энэ талаарх мэдээлэл, үйл явдал, зөвлөмж, дэвшилтэт технологийн тухай уншигчдадаа хүргэхийг зорьж байна.

    Түүнчлэн уламжлал ёсоор бид барилгын салбарын голлох үйл явдлуудыг онцолж, төрийн бус байгууллагууд, барилгын компаниуд, бизнес эрхлэгчид, бүтээн байгуулагчдад тулгамдаж буй асуудлуудыг хөндөхийн зэрэгцээ, тэдгээрийг төрийн байгууллагуудтай холбогч гүүр нь болж ажиллахыг эрмэлзэж байна. Цаашлаад инженерүүд, мэргэжилтнүүд, амины орон сууц барих гэж буй болон байр авахаар төлөвлөсөн ард иргэдэд хэрэгтэй барилга, үл хөдлөх хөрөнгө, амины орон сууц, архитектур, интерьер, экстерьер, барилгын материал, эрчим хүч гэхчлэн салбарын бүхий л чиглэлийн мэдээлэл зөвлөмжүүдийг бэлтгэн хүргэж байх болно оо.

  Уншигч та бүхэн шинэ он, шинэ улирлын захиалга өгөх бол 77111777, 91000233 дугаарын утсанд холбогдоно уу.