Архитектурын тэмцээн нь архитекторуудыг мэргэжлийн түвшинд хурдацтай хөгжихөд нөлөөлдөг бол тухайн төслийн хувьд нэг дор олон төрлийн шинэлэг санааг тал талын перспективээс харан шилдгийг сонгох боломжийг түргэн хугацаанд бүрдүүлдэг. Тиймдээ ч дэлхийн мега хотууд, алдартай компаниуд ихэвчлэн архитектурын тэмцээнүүдийг мэргэжлийн том студиудээс эхлээд олон улсын оюутнуудын хооронд хүртэл олон төрлийн ангилалаар зарлаж, авъяасыг нь сорихын зэрэгцээ шилдэг төслүүдийг бүтээлгэн авдаг. 
Тухайлбал Хятад, Эмират  зэрэг хөрөнгө чинээ ихтэй гүрнүүд шинээр хийгдэх төсөл бүртээ дэлхийн топ архитектурын фирмүүдийн хооронд өндөр шагналын сантайгаар шилдэг санаануудыг худалдан авдаг. Мөн оюутнуудын дунд ч сонирхолтой, нэр хүнд бүхий олон тэмцээнийг өдөр бүр зарладаг.
     Хамгийн гол нь тэмцээнд түрүүлэх чухал биш юм. Тэгээд ч архитектурын тэмцээнд ялагдагч гэж байдаггүй. Учир нь та тухайн тэмцээнд оролцоод одоо байгаа чадвараасаа дахин нэг шат ахидаг бөгөөд оролцсон тэмцээнийхээ өрсөлдөгч нарынхаа бүтээлүүдийг хараад олон шинэлэг санааг авах болно. Ингээд та бүхэнд хамгийн сонирхолтой архитектурын тэмцээн зарладаг онлайн сайтуудыг танилцуулъя. 

 Хэрвээ та өөрийгөө  архитектор зөгий гэж бодож байвал энэ сайт таныг зөгий үржүүлгийн газарт хүргэх болно. Учир нь хамгийн идэвхтэй үйл ажиллагаа явуулдаг сайтуудын нэг нь энэ бөгөөд сонирхолтой архитектурын тэмцээнүүдийг дэлхийн өнцөг булан бүрээс энэ сайтаар дамжуулан зарладаг. Тэмцээнээсээ шалтгаалаад шүүгчдийн бүрэлдэхүүн янз бүр байдаг ч тогтмол хэн нэг алдартай архитектор шүүгчдийн бүрэлдэхүүнд орж ажилладаг. Шагналын сан ихэвчлэн 6000 ам.доллар, бүртгэлийн хураамж 120-140 ам.доллар байдаг. 

Архитектурын хамгийн гоё сайтуудын нэг бол яах аргагүй bustler.net юм. Сайтад орж буй контентууд үнэхээр сонирхолтой байдлаар бичигддэг бөгөөд өдөр тутмын сайтуудаас илүү уншихад хөнгөхөн, ойлгомжтой байдаг. Түүнчлэн аливаа тэмцээнүүдийг контентууд шигээ сонирхолтой байдлаар оруулдаг.

Галзуу evolo-г мэдэхгүй архитектор үгүй болов уу. Жилд нэг удаа зохиогддог футуристик цамхагт барилгын архитектурын тэмцээн бөгөөд жил болгоны бүтээлүүд нь үнэхээр янзтай, юунд ч баригддаггүйгээрээ онцлогтой.

Нийт шагналын сан нь сүүлийн байдлаар 20000 евро бөгөөд шүүгчдийн бүрэлдэхүүнд алдарт Петер Күүк архитектор ажилладаг. Ихэвчлэн залуу архитектор, дизайнер, оюутнуудад зориулсан тул тэмцээнүүдэд нь оролцоод үзэхэд буруудахгүй.

Норвегийн Ослогийн их сургуулиас гаралтай “120 Цаг” архитектурын тэмцээн нь зөвхөн олон улсын архитектурын оюутнуудад зориулан зохиогддог бөгөөд тэмцээн эхэлсэн өдрөөс тав хоног буюу 120 цагийн хооронд болдгоороо онцлогтой. Сүүлийн 2 жилээс эхлээд шалгарсан төслөө бодитоор барьдаг болсон. Оролцоход үнэ төлбөргүй бөгөөд хэрвээ оролцох бол календар дээрээ тэмцээн эхлэх өдрөө тэмдэглэхээ мартав. Учир нь, тэмцээн эхэлсэн л бол 1 секунт хоцорсон ч таныг бүртгэхгүй шүү.

Архитектурын тэмцээнээс гадна тухайн үед зохион байгуулагдаж буй авард-уудтай эндээс танилцах боломжтой. Мөн үнэхээр сонирхолтой, сайн гэсэн ажлуудаа холбогдох авардад бүртгүүлж оролцох боломжтой. Сайтын хувьд цомхон мөртлөө их ойлгомжтой.

Мэдээжийн хэрэг архитектурын өдөр тутмын сэтгүүл дээр бүх төрлийн тэмцээнүүд тавигдах нь тодорхой.

Олон төрлийн архитектурын салбарын мэдээллээс гадна архитектурын тэмцээний талаар тусгайлсан хуудастай бөгөөд олон төрлийн тэмцээн байршсан. Энэ дундаас өөрт таарах тэмцээнээ олоод өрсөлдөөрэй. 

https://www.designboom.com/
 

Мэдээж дизайнбүүмиийг дурдахгүйгээр нийтлэлээ дуусгаж боломгүй. Энд зөвхөн тэмцээн гэлтгүй архитекторуудын ярилцлагууд, урлаг, дизайн гээд мэдээллээр арвин билээ.