Сонгинохайрхан дүүргийн 8 дугаар хороонд Баянхошуу дэд төвийг түшиглэн бүтээн байгуулсан 240 хүүхдийн ортой цэцэрлэг үүдээ нээлээ.

Улаанбаатар хотыг нэг төвтэй хотоос олон төвтэй хот болгох бодлогын хүрээнд найман шинэ дэд төв байгуулахаар болсон. Үүний нэг нь Баянхошуу дэд төв бөгөөд уг төвийг дагуулж цэцэрлэг, бизнес инкубатор төв буюу гэр хороололд амьдарч байгаа иргэдийн бичил бизнесийг дэмжих, газар чөлөөлөлтөд өртсөн иргэдийн амьжиргааг дэмжих төв зэрэг хэд, хэдэн бүтээн байгуулалтын ажил  төлөвлөснөөс эхнийх нь ийнхүү биеллээ олсон байна.

Дулаан алдалтгүй технологи ашиглан барьсан уг цэцэрлэг нь тоглоомын болон элсний талбай, 20 автомашин зогсох боломжтой зогсоолоос гадна 10 бүлэг хичээллэх анги танхим, гал тогоо, угаалгын, багш ажилчдын өрөө зэрэг танхимуудтай ба 1 хүүхдэд стандартын дагуу 6.78 м/кв талбай ногдож буй ажээ.

Бэлтгэсэн: Ж.Хорлоо